وتەبێژی وەزارەتی تەندروستی ڕایگەیاند کە لە شەو و ڕۆژی ڕابردوودا 139 تووشبوو بە کۆرۆنا لە ئێران گیانیان لە دەستداوە.

سیما سادات لاری رایگەیاند لە شەو و رۆژی ڕابردوودا  1992 حاڵەتی نوێی کۆرۆنا لە ئێران ناسراوە کە بەم پێیە تا ئێستا  386 هەزار و 658 کەس تووشی ئەو نەخۆشیە هاتوون.

ناوبراو بە ئاماژە بە 139 حاڵەتی گیان لەدەستدان لە شەو و ڕۆژی ڕابردوودا، گوتی:  تا ئێستا 22  هەزار و 293 کەس لە تووشبووان بە کۆرۆنا گیانیان لەدەستداوە.

لاری ژمارەی ڕزگار بووان لە کۆرۆناشی  333  هەزار و 900 کەس ڕاگەیاند.

وتیشی: باری تەندروستی 3722 تووشبووی کۆرۆنا لە وڵات ناجێگرە و لە ژێر چاودێری پزیشکیدان.