وەزیرانی دەرەوەی ئێران و نەمسا دوایین گۆڕانکارییە نێونەتەوەییەکانیان تاوتوێ کرد.

«عەبباس باقر پووری ئەردەکانی» باڵوێزی ئێران لە نەمسا ئەمڕۆ پێنج شەممە لە توییتێکدا نووسی: لە پەیوەندییەکی تەلەفۆنیی نێوان «موحەممەد جەواد زەریف» وەزیری دەرەوەی ئێران و « ئلێکساندێر شالێنبێرگ» وەزیری دەرەوەی نەمسا، ھەردووک لا وێڕای پیاداچوونەوە بە گۆڕانکارییە نێونەتەوەییەکاندا، لێبڕاوانە ھۆگریی خۆیانیان بۆ قوڵ کردنەوەی پەیوەندییەکانی نێوان دوو وڵات لە ھەموو بوارەکاندا ڕاگەیاند.