تەرمی مامۆستا شەجەریان لە تەنیشت فیردەوسی نێژرا
تەرمی گەورە مامۆستای ئاواز و گۆرانی رەسەنی ئێرانی، محەمەد رەزا شەجەریان ، لە نزیک گڵکۆی حەکیم ئەبولقاسم فیردەوسی شاعیری بەنێوبانگی ئێران لەشاری تووس بە خاک سێپردرا .
مامۆستا محەمەد ڕەزا شەجەریان هەڵکەوتەترین هونەرمەندی بواری ئاواز و مۆسیقای رەسەنی ئێرانە و وەک خەسرەوی ئاوازی ئێران ناوی دەبرێ .
مامۆستا شەجەریان پێنجشەممەی رابردوو دوای چەند ساڵ نەخۆشیی شێرپەنجە لە تەمەنی 80 ساڵیدا ماڵاوایی لە ژیان کرد .
تەرمی مامۆستا شەجەریان ئەمڕۆ شەممە بە ئامادەبوونی ئەندامانی بنەماڵە ، ژمارێک لە خەڵک و ژمارێک لە بەرپرسانی فەرهەنگیی لە تەنیشت گڵکۆی حەکیم ئەبولقاسم فیردەوسی حەماسە بێژ و شاعیری گەورەی ئێرانی بە خاک سپێردرا .
بەرهەمهێنانی 90 ئەلبومی مۆسیقا ، خوێندن لە تیتراژی فیلمەکان و بەڕێوەبردنی دەیان کۆنسێرتی نێوخۆیی و دەرەوە بەشێک لە چالاکیەکانی مامۆستا شەجەریانن .
