SAHAR

وتەبێژی وەزارەتی تەندروستی ئێران ڕایگەیاند تەنیا لە ماوەی شەو و ڕۆژی ڕابردوودا 7390 کەسی دیکە وەک هەڵگری ڤایرۆسی کۆڕۆنا ناویان تۆمار کراوە.

سیما سادات لاری وتەبێژی وەزارەتی تەندروستی ئێران ڕایگەیاند: لە شەو و ڕۆژی ڕابردووەوە 62 کەس بە هۆی کۆرۆنا لە ئێران گیانیان لە دەستداوە و بەمەش ژمارەی قوربانیانی کۆرۆنا لە ئێران گەیشتووەتە 58 هەزار و 945 کەس.

ڕاشیگەیاند: تا ئێستا یەک ملیۆن و 518 هەزار و 263 کەس بە تووشبووی کۆرۆنا لە ئێران تۆمار کراوە.

تا ئێستا یەک ملیۆن و 298 هەزار و 23 نەخۆشی کۆرۆنایی لە ئێران چاکبوونەوە.

لەسەر ئاستی جیھان تا ئێستا نزیکەی 109 میلیۆن کەس تووشی کۆرۆنا بوون و  زیاتر لە 2 میلیۆن و 400 ھەزار کەسیش بەو پەتایە گیانیان لەدەستداوە .