ئێران بەرھەمھێنەری گەورەی ڤەکسینی کۆرۆنا
وەزیری تەندروستیی ، دەرمان و فێرکاریی پزیشکیی ئێران جەختی کرد، ئێران دەبێتە بەرھەمھێنەری گەورەی ڤەکسینی کۆرۆنا.
«سەعید نەمەکی» وەزیری تەندروستیی ، دەرمان و فێرکاریی پزیشکیی ئێران، ڕۆژی سێ شەممە وتی: ڤەکسین چێکردنی ئێران ڕێگای بۆ سانا کراوە.
وەزیری تەندروستیی ، دەرمان و فێرکاریی پزیشکیی ئێران وتیشی: «ئەنیستیتۆی پاستۆر» لە بەھاری ساڵی تازەدا« خاکەلێوەی ١٤٠٠» ڤەکسین بەرھەم دێنێ و ڤەکسینەکەی تاقمی «بەرەکەن»یش ئامادە دەکرێ و ئینجا کۆمپانیاکانی دیکەش بەلەز خەریکی پێشکەوتنن لەم بوارەدا.
«سەعید نەمەکی» ھەروەھا وتی: لە تەواوی دنیادا ڤەکسین کەمە و تەنانەت ئەگەر لە ئەندازەی تاقیگەش دا بەرھەم بھێندرێت، دەرزی و کەرەستەی لاوەکی کەم بووەتەوەو ھەتا بەرلە بەرھەمھێنانی نێوخۆ بۆ دابین کردنی ڤەکسین ڕێگای ھاوردە دەگرینەبەر.
بە قسەی وەزیری تەندروستیی ، دەرمان و فێرکاریی پزیشکیی ئێران ، بەم زووانە ٤٠٠ ھەزار ژەم ڤەکسینی کۆرۆنا لە ھیندەوە دەگاتە ئێران.
