عێراقچی: ئەگەر ئەمریکا ھەموو بایکۆتەکان ھەڵوەشێنێ ئێران بەڵێنەکانی بەجێدێنێ
یاریدەری سیاسیی وەزیری دەرەوەی ئێران جەختی کردەوە : ئەگەر ئەمریکا ھەموو بایکۆتەکان ھەڵوەشێنێ ، ئێرانیش بەڵێنەکانی خۆی بەجێدێنێ .
سەید عەباس عێراقچی یاریدەری سیاسیی وەزیری دەرەوەی ئێران لە دیمانەیەک دا لە گەڵ کەناڵی تەلەفزیۆنیی ئێن ئێچ کەی ژاپۆن گوتی : بە ئاراستەیکی دروست دا ھەنگاو دەنێین و دۆخی وتووێژەکان بنیاتنەر و پۆزەتیڤە .
عێراقچی گوتیشی : گەورەترین لەمپەری ژیانەوەی رێککەوتنی ناڤۆکی ئەوەیە کە حکومەتی ئێستای ئەمریکا ھۆگریەکی بە راگرتنی بایکۆتەداسەپێنراوەکانی حکومەتی دوناڵد ترامپی سەرۆکی پێشووی ئەمریکا نیە .
بە وتەی عێراقچی : ھەڵوێستی ئێران ئەوەیە کە ئەگەر ئەمریکا بیھەوێ بگەڕێتەوە بۆ رێککەوتنی ناڤۆکی ، جیا لە بایکۆتەکانی ھاوپێوەند بە رێککەوتنی ناڤۆکی ، دەبێ ھەموو بایکۆتەکانی داسەپاو لە لایەن حکومەتی پێشوو ھەڵوەشێنێ .
یاریدرەری وەزەیری دەرەوەی ئێران گوتیشی : حکومەتی ژاپۆن ھەمیشە لە دانوستانەکانی سەبارەت بە رێککەوتنی ناڤۆکی داکۆکی کردووە .
