روحانی بۆ ئەردۆغان : فەلەستین گرنگترین و زیندووترین پرسی ھاوبەشی ئۆمەتی ئیسلامییە
سەرۆکی کوماری ئیسلامیی ئێران ، لە وتووێژێکی تەلەفۆنی دا لە گەڵ سەرۆکی تورکیا جەختی کردەوە ، فەلەستین گرنگ ترین و زیندووترین پرسی ھاوبەشی دونیای ئیسلامە .
بە پێی راپۆرتی ئیرنا ، حەسەن روحانی ئەمڕۆ یەکشەممە لە وتووێژێکی تەلەفۆنی دا لە گەڵ رەجەب تەییب ئەردۆغان سەرۆکی تورکیا گوتی : بەرەنگاربوونەوەی تاوانکاریەکانی رژێمی زایۆنی وەستانی خێرای پەلامارە دڕندەکان و کوشتاری خەڵکی ستەملێکراو و بێتاوانی فەلەستین پێویستیەکە .
روحانی لە درێژەدا گوتیشی : وڵاتە ئیسلامیەکان بەتایبەت ئێران و تورکیا وەک دو وڵاتی گرنگ و کاریگەر لە ناوچەکەدا دەبێ بە ھاریکاری و ھاوکاری ھەموو توانا و پتانسێلی دەزگا نێودەوڵەتیەکانی وەک رێکخراوی نەتەوەکان و رێکخراوی ھاریکاریی ئیسلامیی بۆ بەرەنگاربوونەوەی دەستدرێژی و تاوانکاریەکانی رژێمی زایۆنی دەکار بێنن .
سەرۆکی تورکیاش لەم وتووێژە تەلەفۆنیەدا گوتی : کومەڵگای نێودەوڵەتیی دەبێ لە بەرامبەر تاوانکاریە پڕکێشیەکان کاردانەوەی خێرا و پێشپێگرانەی ھەبێ و پێویستە جیھانی ئیسلام لەمبارەوە شوێن دادوەری و کرداری ھاوبەش بکەوێ.
