سەرلەشکر «سەیید حەسەن فیروز ئابادی» کۆچی دوایی کرد
ئه‌یلوول 03, 2021 14:37 Asia/Tehran
سەرۆکی پێشووی ئەرکانی گشتیی ھێزە چەکدارەکانی کۆماری ئیسلامیی ئێران ماڵئاوایی لەژیان کرد.
بە پێی ڕاپۆرتی ڕادیۆو تەلەفزیۆنی ئێران، سەرلەشکر «سەیید حەسەن فیروز ئابادی» سەرۆکی پێشووی ئەرکانی گشتیی ھێزە چەکدارەکانی کۆماری ئیسلامیی ئێران و ڕاوێژکاری سەربازیی سەرکردایەتیی گشتیی ھێزە چەکدارەکان، ئەمڕۆ ھەینی دوای ماوەیەک نەخۆشی ماڵئاوایی لە ژیان کرد.
سەرلەشکر «سەیید حەسەن فیروز ئابادی» لە ساڵی ١٣٦٧ی کۆچیی ھەتاوییەوە ھەتا ساڵی ١٣٩٥ بۆ ماوەی ٢٧ ساڵ بە بڕیاری ڕابەری مەزنی شۆڕشی ئیسلامی وەک سەرۆکی ئەرکانی گشتیی ھێزە چەکدارەکانی ئێران خەریکی خزمەت کردن بوو و پاش ئەو.ەش لە لایەن حەزرەتی ئایەتوڵڵا خامەنەیی وەک ڕاوێژکاری باڵای سەربازیی سەرکردایەتیی گشتیی ھێزە چەکدارەکانی ئێران دیاری کرا.
