فەرماندەری ھێزی ئینتیزامیی ئێران: سنوورنشینەکان پارێزەری سنوورو پاڵپشتی سنووروانەکانن
فەرماندەری ھێزی ئینتیزامیی کۆماری ئیسلامیی ئێران جەختی کرد: سنوورنشینەکان ھەم پارێزەری سنوورەکانن و ھەم پاڵپشتی سنووروانان و پەیوەندییەکی زۆر باش ھەیە لە نێوان سنووروانانی ھێزی ئینتیزامی و سنوورنشینەکاندا.
سەرداری سەرنیپ «حسەین ئەشتەری» فەرماندەری ھێزی ئینتیزامیی کۆماری ئیسلامیی ئێران ئەمڕۆ پێنج شەممە لە کۆبوونەوەی ڤیدۆکۆنفرانسی ئاسایشتی پاوەجێ بە بەشداریی سنووروانان وێڕای ڕێزنان لە یادو بیرەوەریی شەھیدانی سنوور و سنوورنشینە شەھیدەکان وتی: ئەگەر لە ئێستادا ئاسایشت لە ھەشت ھەزارو ٧٥٥ کیلومەتر سنووردا چەسپاوە لە بەر ھاوکاریی باشی سنوورنشینان و سنووروانانە.
سەردار ئەشتەری ھەروەھا وێڕای ڕێزگرتن لە حەوتەی وەحدەت وتیشی : ئەم وەحدەت و یەکگرتنە ڕۆژ لە دوای ڕۆژ ھێزمەندتر دەبێت و دوای سەرکەوتنی شۆڕشی ئیسلامی یەکگرتن و وەحدەت ڕەنگی دایەوەو بەھێزتر کراو لە پاسەوانی کردن لە سنوورەکان لە ئێستادا دەبینین کە چلۆن خوێنی ئازیزانی سوننەو شێعە تێکەڵ بە یەکتر بووە.
فەرماندەری ھێزی ئینتیزامی وتیشی: سنووروانان و سنوورنشینەکان کاریگەریی زۆریان لە سەر دابین کردنی ئاسایشتی سنوورەکان ھەیە.
سەردار ئەشتەری ھەروەھا وتیشی: پەیوەندییەکی باش لە نێوان سنوورنشینەکان و بازگە سەرسنوورییەکان ھەیە، بە جۆرێک کە بازگەکانی سەر سنوور یارمەتییەکی باشی خەڵکی سەر سنوور دەدەن.
لە کۆتایی ڕێ و ڕەسمەکەدا ستایشی کۆمەڵێک لە سەرۆکانی ھۆزو خێڵە سنوورنشینەکانی ئێرانیش کرا.
