دیداری لاڤرۆڤ لەگەڵ ڕەیییسی
ئێوارەی چوارشەممە وەزیری دەرەوەی ڕووسیا لەگەڵ سەید ئیبراهیم ڕەییسی سەرۆک کۆماری ئێران کۆبووەوە.
بە پێی ڕاپۆرتی ئیرنا؛ سێرگی لاڤرۆڤ، وەزیری دەرەوەی ڕووسیا، کە ڕۆژی چوارشەممە لەسەر بانگهێشتی حوسێن ئەمیر عەبدوڵڵاهیان، وەزیری دەرەوەی ئێران گەیشتە تاران، لەگەڵ سەید ئیبراهیم ڕەیییسی، سەرۆک کۆماری ئێران کۆبووەوە.
لەم سەردانەدا سێرگی لاڤرۆڤ لەگەڵ کاربەدەستانی ئێران باس لە پرسەکانی پەیوەست بە واژۆکردنی ڕێککەوتنی هاوکاریی درێژخایەن و پەرەسەندنی پەیوەندییە ئابوورییە دووقۆڵییەکان دەکات لە جەنگەی توندبوونی گەمارۆکانی ڕۆژاوادا.
هەروەها هاوکاری لە بواری ئاسایشی ناوچەکە لە پێوەندی لەگەڵ سووریا و ئەفغانستان لە تەوەرە سەرەکییەکانی دانوستانەکان دەبێت.
پرسی دانوستانە ئەتۆمییەکانیش لەو پرسانەیە کە دیپلۆماتکاری باڵای ڕووسیا لەگەڵ هاوشانە ئێرانییەکەی تاوتوێی دەکات.
