دیداری ئیمام جومعەی ئەهلی سوننەی زاهیدان لەگەڵ نوێنەری ڕابەری مەزنی شۆڕش ئیسلامی
«عەبدولحەمید ئیسماعیل زیهی»، ئیمامی مزگەوتی مەکیی زاهیدانی ئێران لەگەڵ نوێنەری ڕابەری مەزنی شۆڕشی ئیسلامی دیدار و وتووێژی کرد.
حوججەتولئیسلام وەلموسلیمین «محەممەد جەواد حاج عەلی ئەکبەری» لەگەڵ شاندێکی باڵا بە نوێنەرایەتیی لە لایەن ڕابەری مەزنی شۆڕشی ئیسلامی سەردانی پارێزگای سیستان و بەلوچستانی ئێرانی کرد.
بە پێی ڕاپۆرتی ئیرنا، لەم دیدارەدا کە نوێنەری وەلیی فەقیھ لە پارێزگای سیستان و بەلوچستانی ئێران و کۆمەڵێک لە زانا و بیرمەندو مامۆستایانی ئەھلی سوننە ئامادەی بوون، لە بارەی ڕووداوەکانی ئەم دواییە باس و وتووێژ کرا.
«حاج عەلی ئەکبەری» بڕیارە ڕێوشوێنی باڵای ڕابەری مەزنی شۆڕش بۆ چارەسەرکردنی کێشەکانی پارێزگای سیستان و بەلوچستان لەگەڵ پیاوماقوڵانی پارێزگاکە و چینە جۆربەجۆرەکان تاوتوێ بکات.
«حاج عەلی ئەکبەری» ھەروەھا چاوی بە زیانوێکەوتووان و بریندارانی ڕووداوەکانی ئەم دواییەش دەکەوێت.
دوای گیان لەدەست دانی خوالێخۆشبوو خاتوو «مەھسا ئەمینی» ھێندێک لە شارەکان لەوانە زاھیدان بە ورووژاندنی دوژمنانی کۆماری ئیسلامی و میدیاکانی نەیاران و دژە شۆڕش ڕووبەڕووی ئاژاوەو پشێوی بوونەوە.
ئاژاوەگێڕانی زاهیدان زیانیان بە شوێنە گشتییەکان و موڵک و ماڵی گشتی گەیاندو تیرۆریستانیش لە هەندێک شاردا ژمارەیەک لە هێزە ئەمنییەکان و پۆلیسی ئێرانیان کردە ئامانج و شەهیدیان کردن.
