پەرە سەندنی هەناردەی نەوتی ئێران
وتەبێژی یەکێتی هەناردەکارانی نەوت، گاز و بەرهەمە پترۆکیمیاییەکان بەرز بوونەوەی ئاستی هەناردەی نەوتی ئێرانی ڕاگەیاند.
«جەواد ئەوجی» وەزیری نەوتی ئێران پێشتر ڕایگەیاندبوو کە هەناردەی نەوتی ئێران گەیشتووەتە ٣ ملیۆن بەرمیل لە ڕۆژێکدا.
«سەیید حەمید حسێنی» وتەبێژی یەکێتی هەناردەکارانی نەوت، گاز و بەرهەمە پترۆکیمیاییەکانی ئێران وتی: هەناردەی نەوتی ئێران لە مانگەکانی کۆتایی ساڵی ٢٠٢٢دا زیادی کردووە و زۆربەی هەناردەکردنی نەوتی ئێرانیش بۆ ڤەنزوئیلا و چین بووە.
وتەبێژی یەکیەتیی هەناردەکارانی نەوت، گاز و بەرهەمە پترۆکیمیاییەکانی ئێران لە بەرنامەی ڕووداوی ڕادیۆ گفتوگۆی ڕادیۆو تەلەفزیۆنی ئێران وتیشی: زیادبوونی هەناردەی ئێران بۆ ئەو ڕووداوانە دەگەڕێتەوە کە لەسەر ئاستی جیهان ڕوویان داوە، هەروەها ئەو کێشانەی کە ڕووسیا لەگەڵ ڕۆژئاوا هەیەتی و ئەو کێشانەی کە بۆ هەناردەکردنی نەوتی خاوی ڕووسیا دروست بووە.
هەروەها «حسێنی» ئەوەشی ڕاگەیاند کە ئێمە لەگەڵ ڤەنزوئێلا پێشتر ڕێککەوتنمان هەبوو و ھێندیک پاڵاوگەمان کردو لە ئێستادا نەوتی هەناردەی ئێران لەوێ پاڵاوتە دەکرێت.
