پەیامی سەرەخۆشیی حیزبوڵڵای لوبنان، گرووپەکانی خۆڕاگریی فەلەستینی و نوجەبای عێراق بەبۆنەی شەهیدبوونی سەردار سەیدڕەزیی مووسەوی
حیزبوڵڵای لوبنان شەوی ڕابردوو لە بەیاننامەیەکدا شەهیدبوونی سەردار سەیدڕەزیی مووسەویی کە بە هۆی پەلاماری ڕژێمی زایۆنی بۆ سەر ناوچەی سەیدەزەینەبی سوریا شەهید بووە، سەرەخۆشی کرد.
لە بەیاننامەکەی حیزبوڵڵادا هاتووە: شەهید سەیدڕەزیی مووسەوی یەکێک لە باشترینی ئەو برایانەی بوو کە چەندین دەیە هەوڵی دا بۆ پشتیوانی کردنی خۆڕاگریی ئیسلامیی لوبنان و لە جەنگ و جەهاددا هاوڕێی سەرداری شەهید حاج قاسم سلێمانی بوو. حیبزوڵڵای لوبنان جەختی کرد؛ ئەم جەنایەتەیش زێدە بوو بە کارنامەی پڕ لە جەنایەتی زایۆنییەکان و ئەوەش دەسدرێژیی ئاشکرا و بێشەرمانە و بەزاندنی هەموو سنوورەکان دێتە ئەژمار.
گرووپەکانی خۆڕاگریی فەلەستین لەوان حەماس و جەهادی ئیسلامیش شەهیدبوونی سەیدڕەزیی مووسەوییان سەرەخۆشی کرد لە خەڵک و حکومەتی ئێران و بەرەی خۆڕاگری و پێیان داگرت لەسەر ویست و ورەی بەرزی ئەم گرووپانە بۆ تۆڵەسەندنەوە لە زایۆنییە منداڵکوژەکان.
بزووتنەوەی خۆڕاگریی ئیسلامیی نوجەبای عێراقیش لە کاردانەوە بە تیرۆرکرانی شەهید سەیدڕەزیی مووسەوی لە بەیاننامەیەکدا رایگەیاند: کوژانەوەی ئەستێرەیەک لە ئەستێرەکانی بەرگریکاری حەق و حەقیقەت کە حەرەمی حەزرەتی زەینەب(س)ـی لە بوونی تووش و گڵاوی تیرۆریزم پاک کردەوە، لە هەموو برایانی خۆڕاگری سەرەخۆشی دەکەین. نوجەبا لەم بەیاننامەیەدا ڕاشکاوانە ڕایگەیاند؛ ئەم خوێنە پاکە، ڕێگای ئێمەیە بەرەو ئازادی و ڕزگاریی یەکجاریی لە چنگی داگیرکەرێکی سەرەڕۆ و بێگومان بێسوود و بێ دەسکەوت نابێ.
ڕۆژنامەی زایۆنیی جرۆزاڵم پۆستیش نووسی کە کاربەدەستانی ئەم ڕژێمە گەلێک نیگەرانن و تۆقاون لە کاردانەوەی ئێران بە تیرۆکرانی سەردار سەیدڕەزیی مووسەوی یەک لە راوێژکارانی هێزی قودسی سپای پاسداران شۆڕشی ئیسلامیی ئێران.
