پێداگریی ڕێبەری مەزنی ئێران لە سەر بڕدرانی ڕێگاکانی دابینکەری پێداویستیی ڕژێمی زایۆنی
ڕێبەری مەزنی شۆڕشی ئیسلامیی ئێران پێیداگرت لە سەر ئەوەی کە وڵاتانی ئیسلامی بە بڕینی ڕێگاکانی دابینکەری پێداویستی بۆ ڕژێمی زایۆنی، پێوەندیی سیاسی و ئابووریی خۆیان لەگەڵ ئەم ڕژێمە بپچڕن.
"حضرت آیتالله خامنهای " ڕۆژی سێشەممە لە دیداری بەرپرسان و بەڕێوەبەرانی کۆنگرەی بیست و چوار هەزار شەهیدی تاران، بە وەبەر ڕەخنەدانی چۆنیەتی هەڵس و کەوتی بەرپرسانی وڵاتانی ئیسلامی بەرامبەر بە مسەلەی زۆر گرینگی غەززە فەرمووی: هەندێ جار هەڵوێست و کاردانەوەی بەرپرسانی وڵاتانی ئیسلامی هەڵەیە، لەبەر ئەوەی کە سەبارەت بە مەسەلەیەکی وەک ئاگربڕ لە غەززە قسە دەکەن کە لە دەستی ئەواندا نییە و لە دەستی دوژمنی دڵڕەقی زایۆنیدایە.
حەزرەتی ئایەتووڵڵا خامەنەیی فەرمووی: سەرباری هەڵوێست و کاردانەوەی ناشیاوی بەرپرسانی وڵاتانی ئیسلامی و وێڕای هەموو سەختی و سەخڵەتێک، هەروا کە لە قورئاندا هاتووە، خواوەند لەگەڵ ئیماندارانە و لە هەر کوێیش خەڵک لەگەڵ خوای گەورە بن، سەرکەوتنیان بەنسیب دەبێ.
ڕێبەری مەزنی شۆڕشی ئیسلامیی ئێران فەرمووی: هیچ شک و گومانێک نییە لە سەرکەوتنی خەڵکی غەززە و خوای گەورە ئەو سەرکەوتنە لە داهاتوویەکی نەزۆردوور دەخاتە پێش چاوی ئۆمەتی ئیسلامی و دڵی موسڵمانان و لە سەروویانەوە خەڵکی فەلەستین و غەززە شاد و گەش دەکاتەوە.