پێداگریی لەسەر ڕاوێژکاریی لەگەڵ وڵاتان بۆ دابینکرانی ئاسایشی جەستەیی و دەروونیی دەنگدەرانی ئێرانی
سەرۆکی ناوەندی بەڕێوەبردنی هەڵبژاردنەکان لە دەرەوەی وڵات ڕایگەیاند: سەرلەنوێ راوێژکاریی کراوە لەگەڵ وڵاتانی میواندار و جەختیش کراوە لەسەر ئەوەی کە جگە لە دابینکرانی ئاسایشی جەستەیی، پێویستە ئاسایش و ئەولەهی دەروونیی دەنگدەرانیش دابین بکرێ.
"عەلیڕەزا مەحمودی" سەرۆکی ناوەندی بەڕێوەبردنی هەڵبژاردنەکان لە دەرەوەی وڵات بۆ بەڕێوەچوونی قۆناخی دووەمی چواردەیەمین خولی هەڵبژاردنەکانی سەرۆک کۆماریی لە دەرەوەی وڵات وتی: هەموو نوێنەرایەتییەکانی ئێران لە دەرەوەی وڵات لە هەمان هەلومەرجدا و بەهەمان کوالیتیی خولی یەکەمی هەڵبژاردنەکان، قۆناخی دووەمی چواردەیەمین خولی هەڵبژاردنەکانی سەرۆک کۆماریی بەڕێوە دەبەن و قۆناخی دووەمی هەڵبژاردنەکان هەروەک خولی یەکەم لە١٣٨نوێنەرایەتی ئێران لە دەرەوەی وڵات و لە٣٤٤ بنکەی دەنگدان لە ناوخۆدا بەڕێوە دەچێ و ئەگەری زیادکرانی بنکەو سندوقەکان بەهاواهەنگیی وەزارەتی ناوخۆش لەئارادایە.
ناوبراو وێڕای پێداگریی لەسەر ئەوەی کە نوێنەرایەتییەکانی ئێران لە دەرەوەی وڵات بۆ بەڕێوەبردنی قۆناخی دووەمی هەڵبژاردنەکان، تەواو ئامادەن و تارەفەو کەرەستە پێویستەکانی دیکەیان خراوەتەبەردەست، وتی: لەبارەی پرسی ئاسایشی دەنگدەران، سەرلەنوێ نامەنووسین و راوێژکاریی کراوە لەگەڵ وڵاتانی میواندار بۆ بەڕێوەبردنی هەڵبژاردنەکان لەلایەن وەزارەتی دەرەوەی ئێران و سەرۆک نوێنەرایەتییەکانمان لە وڵاتانی ئامانجدا و جەخت لەسەر ئەوەش کراوە کە جگە لە دابینکرانی ئاسایشی جەستەیی دەنگدەران، پێویستە ئاسایشی دەروونیی دەنگدەرانیش دابین بکرێ.
