قاڵیباف: گۆڕدرانی سەرۆک کۆمارانی وڵاتان هیچ کاریگەریی دانانێتە سەر تواناکانی ئێران
سەرۆکی مەجلیسی شۆرای ئیسلامیی ئێران بە ئاماژە بە توانای نیشتمانی، کارنامەی هێزمەندانە و وشیاریی ئێران وتی: گۆڕدرانی سەرۆک کۆمارانی وڵاتانی دیکە هیچ کاریگەرییەک دانانێتە سەر تواناکانی ئێران لە دابین کردنی قازانج و بەرژەوەندییەکانیدا.
محەممەد باقر قاڵیباف بە ئاماژە بە هەڵبژاردنەکانی ئەمدواییەی ئەمریکا و هەڵبژێردرانی سەرۆک کۆماری تازەی ئەم وڵاتە ڕاشکاوانە رایگەیاند: گۆڕدرانی سەرۆک کۆمارانی وڵاتانی دیکە تا ئەو کاتەی کە ئێران پشتی بە توانای ناوخۆیی و بیر و ورەی ئێرانی بەستووە، هیچ کاریگەرییەک دانانێتە سەر تواناکانی ئێران لە دابین کردنی قازانج و بەرژەوەندییەکانیدا. سەرۆکی مەجلیسی ئێران وتیشی: هەرچەن شێوە و شێوازی دوژمنایەتی سەرۆک کۆمارانی ئەمریکا بە ڕواڵەت جیاوازە بەڵام ئەوەی کردەوە و ئاکاری دوژمن بەرامبەر بە ئێران دیاری دەکات، توانای نیشتمانی و ئاکاری هێزمەندانە و زیرەکیی کۆماری ئیسلامیی ئێران بە پێی ستراتژیی عەقڵانییەتی ئینقلابییە.
