ئیدانەی هێرش بۆسەر ئامانجە ناسەربازییەکان لە سودان
کانونی دوھەم 27, 2025 15:36 Asia/Tehran
وتەبێژی وەزارەتی دەرەوەی ئێران، کوشت و بڕی کەسانی سیڤیلی لە سودان، شەرمەزار کرد.
"ئیسماعیل بەقائی" وتەبێژی وەزارەتی دەرەوەی ئێران، کۆمەڵکوژکرانی خەڵکی مەدەنی و هێرش بۆسەر ئامانج و ژێرخانە ناسەربازییەکان بەتایبەت نەخۆشخانەکان و دامەزراوە گشتیەکان لە سودانی شەرمەزار کرد.
وتەبێژی وەزارەتی دەرەوەی وڵاتەکەمان وێڕای دەربڕینی هاوخەمیی لەگەڵ قوربانیانی پەلامارەکانی ئەم دواییە کە کوژرانی دەیان کەسی سیڤیلی بەتایبەت لە شاری "فاشر" لێکەوتەوە، جەختی کرد لەسەر پێویستیی ڕەچاوکرانی پرەنسیپ و یاساوڕێسا جیهانییەکانی مافی مرۆڤ بەتایبەت ئەسڵی قەدەغەی هێرشکردنەسەر ئامانج و شوێنە ناسەربازییەکان.
