وەزیری دەرەوەی ئێران قەراخاوەکانی ئێرانی بە دەروازەکانی پەیوەندی لەگەڵ ئابووریی جیهانی لەوەڵەم دا.

سەید عەباس عەراقچی وەزیری دەرەوەی ئێران ڕۆژی یەکشەممە لە هەشتەمین کۆبوونەوەی وڵاتانی پەراوێزی ئۆقیانووسی هند کە لە مەسقەتی پێتەختی عومان بەڕێوە دەچێ، وتی: دەریاکان لە درێژایی مێژوودا بەردەوام زیاتر لەوەی کە سنووری جوگرافیایی بن دەروازەی لێکگرێدانی ژیار و شارستانییەتەکان بوون. عەراقچی بە ئاماژە بەوەی کە ئۆقیانوسی هند لە هەزاران ساڵ لەمەوبەرەوە تا ئێستا نەک هەر ڕووبەرێکی ئاوی، بەڵکوو شاڕێگایەک بووە بۆ بازرگانی، ئاڵوێری کلتووری و پەرەپێدانی ژیار و شارستانییەکان. وتیشی: قەراخاوەکانی مەکران ئەمڕۆ بووە بە یەکێک لە ئەولەوییەتەکانی گەشەی وڵاتەکەمان. عەراقچی پێیداگرت: گەشەی ئابووری لەسەر بنەمای دەریا، بۆ ئێران تەنیا بژاردەیەک نییە، بەڵکوو پێویستییەک دێتە ئەژمار.