سەرلەشکەر عەبدوڕەحیم مووسەوی: ئەرتەش ئامادەی بەرەنگاربوونەوەی هەرچەشنە دەسدرێژییە
سەرلەشکەر عەبدوڕەحیم مووسەوی فەرماندەی گشتیی ئەرتەشی ئێران ئەمڕۆ لە وتاردانێکدا لە بنکەی ڕاهێنانی ئاسمانیی شەهید خزری پێیداگرت ؛ ئەرتەش بەرنامەکانی خۆی بۆ جێبەجێکردنی فەرمانەکانی ئایەتوڵا خامەنەیی ڕێبەری شۆڕشی ئیسلامی بەڕۆژ کردۆتەوە و ئامادەی بەرەنگاربوونەوەی هەرچەشنە دەسدرێژییە.
ڕێبەری شۆڕش ١١ ڕۆژ لەمەوبەر وتی کە بێتوو ئەمریکاییەکان پەلاماری ئاسایشیی خەڵکی ئێمە بدەن، بێگتومان ئێمەیش پەلاماری ئاسایشی ئەوان دەدەین." کەوایە مەسەلەکە تەواو ڕوونە ، فەرماندەران پلان و بەرنامەانی خۆیان ئامادە کردووە و چاوەڕێی فەرمانن.
هەر کەس داوا لە ئێمکە بکات یەکێک لە دوو بژاردەی واژۆ کردنی ڕێککەوتننامە یان قەبووڵکردنی پەلاماری سەربازی هەڵبژێرین، نەزانە و نازانێ کە ڕێبەرمان، ئەرک و ئەستۆگریمانی دیاری کردووە.
ئێمە لەگەڵ خوای تاکانە، ڕێبەری ئازیزی ئێران و خەڵکی وشیار و سەبووری خۆمان پەیمانمان بەستووە، سوێند بە خوێنی ٢٠٠ هەزار شەهیدی ئێرانی، زیاتر لە ٥٠ هەزار شەهیدی غەززە و خوێنی سەید حەسەن نەسروڵا، سەید هاشم سەفییەدین، عیماد موغنییە، ئیسماعیل هەنییە و یەحیا سنوار، ئێمە شەڕ دەکەین دژ بە هێژموونیی ئەمریکا تا ئەو کاتەی بە چۆکدا بێت و ڕێز لە مافی گەلان بگرێ.
