ڕەنگدانەوەی فەرمایشەکانی ڕێبەری مەزنی شۆڕشی ئیسلامی ئێران لە مێدیا جیهانیەکاندا : ئێران ملکەچی گۆشار نابێت
شەوی چوارشەمە حەزرەتی ئایەتۆڵڵا خامنەیی ڕێبەری مەزنی شۆڕشی ئیسلامی ئێران لە وتاردانێکی تەلەفیزیونیدا ڕوولە خەڵکی ئێران جەختیان کرد : ئێران لە هیچ پرس و بابەتێکدا ملکەچی گوشارەکانی ئەمریکا نابێت و وتووێژ لە گەڵ واشنگتون بێ ئاکامە .
حەزرەتی ئایەتوڵڵا خامنەیی ڕێبەری مەزنی شۆڕشی ئیسلامی فەرموویان: لایەنی ئەمریکی پێشتر دەرئەنجامی دانوستانەکانی دیاری کردووە؛ وەستاندنی پیتاندن و سنووردارکردنی توانا مووشەکییەکانی ئێران. ڕێبەری شۆڕش فەرمووشیان : ئەمە دانوستان نییە، بەڵکو سەپاندنە.
ئایەتوڵڵا خامنەیی وتیشیان : پیتاندنی یۆرانیۆم بەردەوامە و تەنیا بۆ پێداویستییە مەدەنییەکانە لە کەرتەکانی وزە، پزیشکی و کشتوکاڵدا . ئێران پێویستی بە چەکی ئەتۆمی نییە و بەنیازی بەرهەمهێنانی چەکی ئەتۆمیش نییە. به ریزیان هەروەها ئاماژەی بە شەڕی دوانزە ڕۆژەی ئەم دواییە لەگەڵ ڕژیمی زایۆنیستی کرد و جەختیان کرد: یەکگرتوویی و یەکڕیزی نەتەوەی ئێران گرینگترین فاکتەر و هۆکاری تێکشکاندنی پیلانی دوژمنانە. لە کۆتاییدا ڕێبەری شۆڕشی ئیسلامی ئێران شەهید سەید حەسەن نەسروڵڵای بە سەرمایەی هەمیشەیی بۆ لوبنان و جیهانی ئیسلامی زانی و فەرموویان : یەکگرتوویی نەتەوەکان پیلانی دوژمنانی پووچەڵ کردەوە.
ئەم وتارە بە شێوەیەکی بەرفراوان لەلایەن میدیاکانی جیهانەوە ڕووماڵ کرا. لە یۆرۆنیوز و ڕۆیتەرزەوە تا دەگاتە ئەلجەزیرە و ئەلمەیادین، ئەلنوجەبا، ئەلمەسیرە و ئەلعەهد و ئەلحەدەس، هەموویان ڕاپۆرتیان دا کە هەڵوێستی ئێران نەگۆڕاوە و تاران لەژێر فشاردا دانوستان قبوڵ ناکات.
هەروەها لێدوانەکانی ڕێبەری مەزنی ئینقلابی ئیسلامی سەبارەت بە بەرنامەی ئەتۆمی وڵات و ڕەتکردنەوەی هەر جۆرە دانوستانێکی ڕاستەوخۆ لەگەڵ ئەمەریکا لە لایەن سێ ڕۆژنامەی ئینگلیزی زمانی بەناوبانگی هیندستانی : تایمز ئاڤ ئیندیا ، ئیندیەن ئێکسپێرس و هێندووش ڕۆماڵ کرا .
