پەردەلادان له بەندەرشاری ستراتژیکی هێزی دەریایی ئێران بەناوی کوردستان و پاپۆڕشکێنی سەهەندی ئێران
بە فەرمانی فەرماندەی گشتی ئەرتەشی کۆماری ئیسلامیی ئێران، بنکەی سەربازیی گەڕۆکی دەریایی ئێران، بە ناوی کوردستان چووە ڕیزی هێزی دەریایی ئەرتەش و پەردە لەسەر کەشتی پاپۆڕ شکێنی کۆماری ئیسلامی ئێران، سەهەند، لادرا.
لە ڕێوڕەسمێکی پڕ شکۆ و مێژووییدا لە بنکەی هێزی دەریایی ئێران لە بەندەر عەباس، بە ئامادەبوونی فەرماندەی گشتیی ئەرتەشی ئێران، فەرماندەی گشتیی هێزی دەریایی و ژمارەیەک لە فەرماندەی باڵای وڵات، پەردە لادرا لە دوو دەستکەوتی ستراتیژی و بەردەوامی هێزی دەریایی ئێران . پەردەلادان لەسەر بنکەی سەربازیی سەر ئاوی پێشکەوتوو بە ناوی کوردستان وەک شارێکی بەندەریی چەن ره هه ندی لە کەنارەکانی مەکران، و چاککردنەوە و بنیاتنانەوەی پاپۆڕێکی سازکراوی ئێرانی سەهەند . ئەولەوییەتی فەرمانبەرییەتی ئەو پاپۆڕ شکێنە بریتییە لە ئێسکورت کردنی کەشتییەکان و بەشداریکردن لە مانۆڕە هاوبەشەکان لە چوارچێوەی دیپلۆماسی بەرگری و دەریایی. شاری بەندەریی سەرئاوی کوردستان شارێکی سەرئاو و کۆگەیەکی بەندەری لوجستێکی سه روو پێشکەوتووە کە توانایی تایبەت بە خۆی هەیە وەک توانایی لەنگەر خستنی پاپۆڕ شکێنەکان ، پاپۆڕەکان ، و ژێردەریاییەکان لە یەک کاتدا، هەروەها تەیارە بە کارگای تایبەت بۆ چاککردنەوەی کەشتییە قورسەکان کە کێشیان دەگاتە ١٠ هەزار تەن، هەماری سووتەمەنی و تەقەمەنی بە توانایی پشتیوانی ٩٠ ڕۆژە بۆکۆ پاپۆڕە ئوقیانووسیه کان ، نەخۆشخانەیەکی دەریایی بە هەموو چەشنە ئیمکاناتەوە ، ناوەندێکی فەرماندەیی و کۆنترۆڵکردنی یەکگرتوو، و وێستگەی فڕۆکەی بێفڕۆکەوانی چەن ره هه ندی . ئەمیر سەرلەشکەر حاتەمی، فەرماندەی ئەرتەشی ئێران، لەو ڕێ و ڕەسمەدا بە جەخت کردن لەسەر گرنگی ئاسایشی بوونی ئەم پڕۆژەیە وتی: بنکەی سەربازی سەر ئاوی کوردستان هێمایەکی زیندووی یەکڕیزی و یەکگرتوویی نەتەوەییە؛ پارێزگایەک کە دەکەوێتە دڵی چیاکانی زاگرۆس، ئێستا خاوەنی بنکەیەکی ستراتیژی لە گەرمترین و هەستیارترین خاڵه سنوورە ئاوییەکانی ئێراندا هەیە، واتا کەنداوی فارس و دەریای عومان. ئەمیری دەریادار شەهرام ئێرانی، فەرماندەی هێزی دەریایی ئەرتەشی ئێران یش هەروەها لە ڕێوڕەسمەدا وتی: هێزی دەریایی ئەرتەشی ئێران لە چوارچێوەی سیاسەتی ئاشتی و دۆستایەتی ئێرانی ئیسلامی ئامادەی خزمەتگوزاریە بە کەشتیەکانی وڵاتانی دۆست و دراوسێ .
