SAHAR

سەرۆکی ئەرکانی گشت هێزە چەکدارەکانی ئێران وتی: ئەمڕۆ هێزی ئاسمانی ئەرتەشی  ئێران لە بەرزترین ئاستی ئامادە یی دایە .

سەرلەشكەر موسەوی بە جەختکردنەوە لەسەر ئامادەیی تەواوی هێزە چەکدارەکانی ئێران بۆ ڕووبەڕووبوونەوەی هەر هەڕەشە و کردەیەکی دوژمن، وتی: هێزە چەکدارەکانمان ئامادەن وەڵامێکی یەکلاکەرەوە، خێرا و پەشیمانكەرەوە  بدەنەوە بۆ هەر هەڕەشەیەک، دەستدرێژییەک یان حیساباتی هەڵەی دوژمن .
سەرۆکی ئەرکانی گشت هێزە چەکدارەکانی ئێران وتی: دوژمنانی ئێران باش دەزانن کە هەر شەڕئەنگێزیی و هەوڵێک  بۆ سەپاندنی شەڕ بەسەر ئێرانی ئیسلامیدا نەک هەر ڕووبەڕووی شکستێكی یەكجاری و ستراتژیکی دەبێت، بەڵکو دەبێتە هۆی بڵاوبوونەوەی شەڕ و قەیران لە سەرتاسەری ناوچەکەدا و تێچووی قورس و قەرەبوو نەکراوە بەسەر پلاندانەر و لایەنگرانیدا دەسەپێنێت .