لە قوڕ چەقین و مردنی نەهەنگێکی زەبەلاح لە کەناراوەکانی دوورگەی بالیی ئەندۆنێزیا
نەهەنگێکی زەبەلاحی چەند تۆنی لە کەناری دوورگەی بالیی ئەندۆنێزیا خۆی لە قوڕچەقی و گیانی لەدەستدا.
بەگوێرەی ڕاپۆرتی فرانس پرێس، ئەمڕۆ یەکشەممە، سەرچاوە دەریایی و ئاوژیمەنییەکانی ئەندۆنێزیا ڕایانگەیاند، تا ئێستاش بەدواداچوون بۆ هۆکاری مردنی ئەم نەهەنگە دەکەین، کە بزانین ئایا هۆکاری مردنەکەی بەهۆی پیسبوون بووە یان قووتدانی پلاستیک ، هێشتا زانیارییەکی وردمان لە بەر دەست دا نییە.
«نەهەنگی عەنبەر» کە گەورەترین ڕاوچی لە ئاستی دنیادا دێنە ئەژمار، لەلایەن یەکێتی نێودەوڵەتیی پاراستنی سروشتەوە وەک ئاژەڵێکی زەبرھەڵگر لە لیستی مەترسی لەناوچووندایە.
بەزۆری نەهەنگەکان لە کاتی نەخۆشی و یان مردن لە کەنار دەریا نزیک دەبنەوە، لە ساڵی ٢٠١٨دا نەهەنگێکی «عەنبەر»ی مردوو لە ئەندۆنێزیا دۆزرایەوە کە زیاتر لە ١٠٠ پەرداخی پلاستیکی و ٢٥ کیسەی نایلۆن لەنێو گەدەیدا دۆزرایەوە، کە ئەمەش نیگەرانییەکانی لە مەڕ کێشەی گەورەی زبڵەکانی نێودەریا لە لەم زنجیرە دوورگەیەی باشووری ڕۆژهەڵاتی ئاسیا پەرە پێ دا.
