بەردەوامیی ناکۆکیی نێوان تورکیاو ئەمریکا لە سەر کڕینی فڕۆکەشەڕکەرەکانی «ئێف_٣٥»
سەرۆک کۆماری تورکیا داوای قەرەبووی ماددی و گەڕاندنەوەی پارەی ئەم وڵاتەی کرد لەگەڵ ھەڵوەشانەوەی گرێبەستی کڕینی فڕۆکەی شەڕکەری «ئێف_٣٥» لە لایەن ئەمریکاوە.
بە پێی ڕاپۆرتی ھەواڵدەریی ئانادۆلۆ، «ڕەجەب تەیب ئەردوغان» ئەمڕۆ پێنج شەممە ڕایگەیاند: دەوڵەتی تورکیا ئەو ملیاردێک و ٤٠٠ ملوێن دۆلارەی کە بۆ گرینی فڕۆکەی شەڕکەری «ئێف_٣٥» بە ئەمریکای داوە، دەستێنێتەوە.
ئەردوغان لەم بارەیەوە وشداریی بە ئەمریکا داوە کە دەبێ ئەو بڕە پارەیەوە بدەنەوە بە تورکیا.
سەرۆک کۆماری تورکیا ھەروەھا لەم دواییەدا دوای سەردانەکەی بۆ نیۆیۆرک و دیدار لەگەڵ «جۆ بایدێن»ی سەرۆک کۆماری ئەمریکا وتبووی: ھەتا ئێستا پەیوەندیی ئانکاراو واشێنگتۆن ھێندە توشی ئاڵۆزی نەھاتووە.
ئەم ھەڵوێستەی ئەردوغان دوای ئەوە دێت کە واشێنگتۆن بە فەرمی ئانکارای لەمەڕ وەلانانی لە بەرنامە بەرھەمھێنانی فڕۆکەی شەڕکەری بەرەی پێنجەمی «ئێف_٣٥» ئاگادار کردووەتەوە.
