ڕەخنەی وەزیری دەرەوەی تورکیا لە ئەمریکا
تشرینی دووه‌م 05, 2021 10:03 Asia/Tehran
وەزیری دەرەوەی تورکیا پشتگریی ئەمریکا لە پارتی کرێکارانی کوردستان«پەکەکە»ی بە پێچەوانەی گیانی ھاوپەیمانیی واشێنگتۆن و ئانکارا زانی.
بە پێی ڕاپۆرتی یانەی پەیامنێرانی لاو، «مەولود چاووش ئوغلو» وەزیری کاروباری دەرەوەی تورکیا وتی: نەیارەتییەکانی ئەمریکا لە گەڵ کڕینی سیستێمی بەرەڤانیی پێشکەوتەی ڕووسی ناسراو بە «ئێس_٤٠٠» لە لایەن ئانکاراش ھەر ناکۆکییەکان قوڵتر دەکاتەوە.
«چاووش ئوغلو» ھاوکات لە بارەی بەردەوامیی ھەوڵەکانی دەوڵەتی تورکیا بۆ ئاسایی کردنەوەی پەیوەندی لەگەڵ ئەمریکا ھیواداریی دەربڕی و داوای ھەوڵی زیاتری کارگروپە ھاوبەشەکانی ھەردووک وڵاتەکەی کرد لەم بوارەدا.
بەرلەمە «ڕەجەب تەیب ئەردوغان»ی سەرۆک کۆماری تورکیاش ڕایگەیاند بوو کە ڕەوتێکی باش لە پەیوەندیی نێوان واشێنگتۆن و ئانکارا بەدی ناکرێت.
