کڕینی فڕۆکەی شەڕکەری «سۆخۆ_٥٧» لە بەرنامەی کاری دەوڵەتی تورکیادایە
ڕۆژنامەیەکی تورکیا نووسی: ئەگەر بێتو کۆنگرێسی ئەمریکی کارشکێنی بکات لە مەڕ فرۆشتنی فڕۆکەی «ئێف-١٦ی بلاک»، کڕینی بەرەی پێنجەمی فڕۆکەی شەڕکەری «سۆخۆ_٥٧» ی چێکراوی ڕووسیا دەخرێتە نێو بەرنامەی کاری ئانکاراوە.
بە پێی ڕاپۆرتی ھەواڵدەریی فارس، ڕۆژنامەی «میلییەت»ی تورکیا نووسیویەتی: ئانکارا لە واشێنگتۆن ٤٠ فڕۆکەی شەڕکەری «ئێف-١٦»ی داوا کردووە کە ئەگەر ئەو داخوازییەی پەسەند نەکرێت، دیارە ئانکاراش بە دوای جێگرەوەدا دەگەڕێت لەوانە کڕینی بەرەی پێنجەمی فڕۆکەی شەڕکەری «سۆخۆ_٥٧» ی چێکراوی ڕووسیا.
«ڕەجەب تەیب ئەردوغان» سەرۆک کۆماری تورکیا لەم دواییەدا وتبووی: ھێندێک پێشنیار بەڕێوەیە، بەڵام لە ئێستادا تەنیا دوو فڕۆکەی شەڕکەری ڕادارنەگر بێجگە لە ئێف_٣٥ خەریکە بەرھەم دێت کە یەکێکیان سۆخۆ_٥٧ی چێکراوی ڕووسیاو ئەوی دیکە جی_٢٠ی چێکراوی چینە.
ئەمریکاو ھێندێک لە ھاوپەیمانەکانی لە ڕێکخراوەی پەیمانی باکووری ئەتڵەسی (ناتۆ) بانگەشەی ئەوە دەکەن کە کەڵک وەرگرتنی تورکیا لە سیستێمەکانی ئێس_٤٠٠ دەبێتە ھۆی ئەوەی کە ڕووسیا دەستی بە زانیارییە نھێنییەکانی تۆڕی بەرەڤانیی ناتۆ ڕابگات، کەچی کاربەدەستانی تورکیا ئەو بانگەشەیە ڕەت دەکەنەوە.
