ئامادەیی تورکیا بۆ میوانداریکردنی دانوستانەکانی سودان
«ڕەجەب تەیب ئەردۆغان» سەرۆک کۆماری تورکیا، لە پەیوەندییەکی تەلەفۆنیدا لەگەڵ ژەنراڵ «عەبدولفەتاح عەبدولڕەحمان ئالبورهان» فەرماندەی سوپا و سەرۆکی ئەنجومەنی دەستەڵاتی سودان، ئامادەیی ئەنقەرەی بۆ میوانداریکردنی کۆبوونەوەیەک لەمەڕ وەستاندنی شەڕ و دەستپێکردنی دانوستانی ئاشتیی ڕاگەیاند.
بەگوێرەی ڕاپۆرتی هەواڵدەریی ئەنادۆڵ، «ڕەجەب تەیب ئەردۆغان» داوای بڕیاری لایەنەکانی کردووە بۆ دەستپێکردنی دانوستان و وتی: ئەنقەرە ئامادەیە میوانداریی ئەو دانوستانانە بکات.
سەرۆکی تورکیا دڵنیایی دا کە لە پەیوەندییەکانمان لەگەڵ ڕێکخراوەی نەتەوەکان دا بەردەوام دەبین لە هەوڵەکانمان بۆ ڕاگرتنی ململانێکان و دابینکردنی پێداویستییە بەپەلەکانی گەلی سودان.
لەم پەیوەندییە تەلەفۆنییەدا ھەردووک لا دوایین پێشهاتەکانی ململانێی سودان و بابەتەکانی پەیوەست بە ڕۆییشتن و ئاسایشی هاووڵاتیانی تورکیا لە سودانیان تاوتوێ کرد.
