وەزیری بەرگریی تورکیا رایگەیاند کە بەردەوامبوونی پرۆسەی نوێی ئاشتی لە تورکیا تەنها لەو کاتەدا گونجاو دەبێت کە پەکەکە و هەروەها هێزەکانی کوردی سوریا بە تەواویی کۆتایی بە چالاکیی چەکدارانەیان بێنن و بەبێ هیچ مەرجێک چەکەکانیان رادەست بکەن.

یاشار گولەر بڕیاری پاشەکشەی پەکەکە لە خاکی تورکیای بە هەنگاوێکی گرینگ لەقەڵەم دا بەڵام تەئکیدیشی کرد دەبێ ئەو بڕیارە هەموو لقەکانی پەکەکە بگرێتەوە و تورکیا ڕێگەنادات هیچ ڕێکخراوێکی سەربە پەکەکە لەناوچەکەدا چالاک بێت.گولەر گوتیشی بەرەنگاربوونەوەی تیڕۆر بە تورکیاوە سنوردار ناکرێت و سوریا و عێراقیش دەگرێتەوە . ناوبراو ڕایگەیاند ئەنقەرە پاڵپشتی لە یەکپارچەیی خاکی سوریا و گەڕانەوەی ئاوارەکان و بنیاتنانەوەی ئەووڵاتە دەکات.