بەرپرسی سیاسەتی دەرەوەی یەکێتی ئوروپا، نەیارەتی ئەو یەکێتییە لەگەڵ کردەی سەربازی بۆ چارەسەریی قەیرانی سوریای ڕاگەیاند.

بەپێی ڕاپۆری هەواڵدەریی ڕۆیتەرز، فێدریکا مۆگرینی بەرپرسی سیاسەتی دەرەوەیی یەکێتی ئوروپا ڕۆژی هەینی بەنوێنەرایەتی لە٢٨وڵاتی ئەندامی ئەو یەکێتییە لە بەیاننامەیەکدا ڕایگەیاند، یەکێتی ئوروپا نەیاری ڕێکاری سەربازییە بۆ کۆتایی هێنان بە قەیران لە سوریا.

لەو بەیاننامەیەدا، یەکێتی ئوروپا جەختی کرد لەسەر پێبەندبوونی بەتەواوەتی ئەو یەکێتییە لەسەر یەکڕیزی، سەروەریی، یەکپارچەیی و سەربەخۆیی حکومەتی سوریا.

لە بەیاننامەی یەکێتی ئوروپادا هاتووە، بڕیارنامەی٢٢٥٤ی ئەنجومەنی ئاسایشی ڕێکخراوی نەتەوەکان و بەیاننامەی ژنێڤی٢٠١٢، ئاشتی و سەقام لە سوریایان دەستەبەر کردووە.

ئەمریکا بەبیانووی پەلاماری شیمیایی جێی گومانی سێ شەممەی ڕابردووی سەر پارێزگای ئیدلەب لەباکوری ڕۆژهەڵاتی سوریا، سەرلەبەیانی رۆژی هەینی هێرشی کردەسەر پێگەی ئاسمانی شەعیرات لە پارێزگای حۆمس کە بەهۆیەوە، نۆ کەسی سیڤیلی سوری لەوان چوار منداڵ کوژران و حەوت کەسیش بریندار بوون.

گرووپە ڕەشەکوژەکان لە ئێراق و سوریا بەجاران لە چەکی قەدەغەکراوی وەک ، چەکی شیمیایی لەدژ خەڵکی ئەو دوو وڵاتە کەڵکیان وەرگرتووە.