بالوێزی سوریا لە ڤیەننای ئۆتریش بە رێزگرتن لە ڕۆلی ئەرێنیی کۆماری ئیسلامی ئێران لە دانووستانەکانی ئاستانەی کازاخستان بۆ چارە سەری قەیرانی سوریاش ، جەختیکرد لە سەر درێژەی هاوکاری لەگەڵ تاران بۆ دامەزراندنی ئاشتی و پاراستنی سەروەری وڵاتەکەی .

بە گوێرەی ڕاپۆرتی ئیرنا ، "بەسام سەباغ" بالوێزی سوریا لە ڤیەننای ئۆتریش ڕۆژی هەینی لە پەراوێزی بەڕێوە چوونی پیشانگەی وێنە و ڕەسمی دوو مدیای ڕوسی لە ڤیەنا، وتی ، ئێران وڕوسیا دۆستان و هاوپەیمانەکانی بە دەستەڵاتی سوریان کە ڕۆڵی یەکجار گرنگیان هەیە لە گۆڕانکارییەکانی سوریا دا ودیمەشق دریژەی ئەدات بە هاوکاری نزیک لەگەڵ ئەوان دا . " بەسام سەباغ" وتیشی ، هۆی سەرەکی ئامادە بوونی دەوڵەتی سوریا لە هەر دانووستانێک بۆ دامەزراندنی ئاشتی  و پاوەجێی لە سوریا و پاراستنی یەکریزی و سەروەری سوریایە . چوارەمین کۆبوونەوەی نێو دەوڵەتی سوریا ، ڕۆژی پێنج شەممە بە ئیمزای بەڵگەی ناوچەکانی "کەمکردنەوەی ئالۆزی" لەو وڵاتە لە لایەن نوێنەرانیی وڵاتانی بەشدار بووی کۆبوونەوەی  ئاستانە کۆتایی پێهات .

جێبەجێبوونی ئەم تەبایی نامەیە لە رۆژی شەممەوە دەستپێدەکرێت . بە گوێرەی زانیارییە بڵاو بووەکان ، چوار ناوچەی کەمکردنەوەی ئالۆزی لە سوریا ، لەپارێزگای ئەدلێب ، ناوچەی باکووری شاری حۆمس ، غوتەی ڕۆژهەڵاتی و باشووری سوریا بەدی دێت . ئەم وتووێژانە لە سەر دەستپێشخەری کۆماری ئیسلامی ئێران و هاوکاری ڕوسیا وتورکیا ،بەمەبەستی دامەزراندنی ئاشتی لە سوریا بەڕێوە چووە .