بیست و ھەشتی سەفەر و دوو شیوەنی لەبیرنەکراوەو دوو رووداوی دڵتەزێن
سەرەخۆشی بە بۆنەی وەفاتی پێغەمبەری نازداری ئیسلام (ص) و شەهادەتی ئیمام حەسەن (ع)
ئەمڕۆ، بیست و هەشتەمی مانگی سەفەر، ساڵهاتی کۆچی دوایی دڵتەزێنی پێغەمبەری راستي و دروستی، دوا پێغەمبەری جیهان، حەزرەتی موحەممەدی مستەفا (د.خ) و هەروەها شەهادەتی ئیمامی دووهەمی شیعەکان، ئیمام حەسەنی موجتەبا(ع)ه
ئەوه ئێمەین که له هەرێمی وجودی ئاسمانیت دابڕاوین، ئەگینا کۆچ بۆ تۆ مانایەکی نیه تۆ هێنده مەزن و پایەبەرزی که نەمان و نەبوون له بەرامبەرت دا چۆک دائەدات و ڕەوتی زەمەن ئەو ڕۆحه ئاسمانیەت ناگرێتەوه،
تۆ لانکی چاکەکاری و ڕاچەڵەکاندنی،له پێواری ئەو وجووده پیرۆرزەت هێشتا ناوت بزوێنەری هەموو ڕاپەڕینێکی خوداییه و هەموو گیان بەخت کردن و له خۆبردووییەک پشت به مەزنایەتیی پەنجه شەفاعەتکارەکەت دەبەستێ ،ئای که چەنده سەخڵەته ، لەوە تەی له تۆکۆچمان کردووه و تۆمان له لا نیت بەس بەناوی پیرۆزت خۆمان له هەڵوەدایی و سەرلێشێوان دەرباز دەکەین
ئەمڕۆ ئەو نیعمەتەی وا ئاسمان خەڵاتی زەوی كرد بوو برایەوه،زەوی بۆن و بەرامەی فریشتەكانی لێ بڕاوەو مەككه لەهەنگاوەكانی پیرۆزترین بوونەوه رو پاكیزەترین و جێی شانازی ترین خولقاوەی خودا چۆڵ بووە، تۆ بڵێی ئیدی فریشتەكان هاتوچۆی ئەم ویستگەیه نەكەن و پەیوەندیی نێوان ئاسمان و زەوی بپچرێت؟
بەڵام خۆ ئەمڕۆ تەنیا داخداری كۆستێك نین و خەمی كۆچی درێژەدەری ڕیسالەتیش بارێكه و هەوراز به هەوراز دەیكێشین، ئەو ئاڵایەی تۆشەكاندتەوه،لەو ڕۆژەوه هەتا ئێستا له زەوی نەكەوتووه و ماڵباته پیرۆزەكەت یەك لەدوای یەك و دەست به دەست هەتا ئەم چاخەی ئێمه شەكاندوویانەتەوه ئەمڕۆ تەنیا ڕۆژی شیوەن نیه و ڕۆژی چاوەڕوانی و ئینتیزاریشه، چاوەڕوانی و ئینتیزاری تۆكمه وتە واوكەری ڕیسالەت و ئەركه ئاسمانیەكەت
بەبۆنەی ئەم رۆژەوە پێمان خۆشە کورتەیەک لە رێبازی ئەخلاقی و کردەوەیی حەزرەتی موحەممەد (د.خ) وەبیر بهێنینەوە.پێغەمبەری نازداری ئیسلام(د.خ) هەمیشە لە نێوان هاوڕێکانیدا هاودڵی و خۆشەویستی بەدی دێنا. بەڕێزیان ئەسحابەکەی بە باشترین ناو بانگ دەکرد، بەردەوام حاڵی ئەسحاب و یارانی خۆی دەپرسی و سەردانی دەکردن و لە کارەکانیدا لەگەڵ ئەوان راوێژي دەکرد.
حەزرەتی موحەممەد (د.خ) بەردەوام سەری نەخۆشانی دەدا تەنانەت ئەگەر لە شوێنێکی زۆر دوور بوایە، ئەمەگدارترین مرۆڤی جیهان بوو سەبارەت بە بەڵێن و پەیمانەکانی، هەرکات شتێکی دەبەخشی بە هەژارێک بەدەستی خۆی دەیدایە و راینەدەسپارد بە کەسێکی دیکە
خەڵکی ئێرانی ئیسلامی لە شەو وڕۆژی ساڵوەگەری وەفاتی حەزرەتی محەممەد (ص) و شەهادەتی حەزرەتی ئیمام حەسەنی مۆجتەبا (ع) لە سەرانسەری ئێرانی ئیسلامی بە تایبەت لە شارە پیرۆزەکان لەوان مەشهەد ، باکووری ڕۆژهەڵاتی ئێران و قۆم ، باشووری تاران ، تازیە داری دەکەن .
ئێمە وەک ستافی کاناڵی ئاسمانیی سەحەری کوردی ، کۆچی دوایی حەزرەتی موحەممەدی مستەفا (د.خ) و هەروەها شەهادەتی ئیمام حەسەنی موجتەبا (ع)، ئیمامی دووهەمی شیعەکانی جیهان لە هەموو موسوڵمانانی جیهان سەرەخۆشی دەکەین
