کۆگەی گشتیی ڕێکخراوەی نەتەوە یەکگرتووەکان، بڕیارنامەی پێشنیار کراوی ئۆکرانیا لە بارەی ڕەوشتی مافی مرۆڤ لە نیمچە دوورگەی کریمای، سەرباری خۆبواردنی لێژنەی ئابووریی ئەم ڕێکخراوەیە بۆ دابین کردنی خەرج و بەرجەکەی، پەسەند کرد.

بە پێی ڕاپۆرتی ھەواڵدەریی ئینتەرفەکس،کۆگەی گشتیی ڕێکخراوەی نەتەوە یەکگرتووەکان، شەوی یەکشەممە لە ھەل و مەرجێکدا پشتگری کرد لە بڕیارنامەی پێشنیار کراوی ئۆکرانیا لە بارەی ڕەوشتی مافی مرۆڤ لە نیمچە دوورگەی کریما، کە ٦٥ وڵات ئەرێیان کردو ٢٧ وڵات دژی وەستان و ٧٠ وڵاتیش دەنگی بێ لایەنیان دا بەم بەڵگەنامەیە.

دیمیتری پۆلیانیسکی " Dmitry Polinsky، یاریدەری نوێنەری ھەمیشەیی ڕووسیا لە ڕێکخراوەی نەتەوەیەکگرتووەکان لەم پەیوەندییەدا ڕاشکاونە ڕایگەیاند: ئەم بڕیارنامە دژی ڕووسییە، بە تەواوی سیاسی و چەواشەکارانەو لە سەر بنەمای زانیاریگەلێکی ناڕاست و ساختەیە.

کودەتای ڕۆژئاواخوازان لە ئۆکرانیا و دوابەدوای ئەوەش، دابڕانی نیمچەدوورگەی کریما لەم وڵاتە و پەیوەست بوونی بە خاکی ڕووسیا لە ئەنجامی گشتپرسییەکەی ساڵی ٢٠١٤، ئاڵۆزیی نێوان مۆسکۆ لە گەڵ کییەف و لایەنگرە ڕۆژئاواییەکانی لێ کەوتووەتەوە.