جەختی ئێران لە سەر پێویستیی خێراکردنەوەی ڕەوتی ڕاپەڕاندنی پەسەند کراوە ئابوورییەکانی نێوان تاران و کابۆل
یاریدەری سیاسیی وەزیری دەرەوەی ئێران لە دیدار لەگەڵ سەرپەرشتی وەزارەتی دارایی ئەفغانستان لە سەر پێویستیی خێراکردنەوەی ڕەوتی ڕاپەڕاندنی پەسەند کراوە ئابوورییەکانی نێوان تاران و کابۆل پێی داگرت.
«سەیید عەبباس عەراقچی» یاریدەری سیاسیی وەزیری دەرەوەی ئێران ڕۆژی پێنج شەممە لە دیدار لەگەڵ «عەبدولھادی ئەرغەندیوال» سەرپەرشتی وەزارەتی دارایی ئەفغانستان داوای داڕشتنی بەرنامەی ھاوبەش و گەشەی ھاوکارییەکانی ئابوورییەکانی نێوان دوو وڵاتی کرد.
عەراقچی کە دوێنێ چوارشەممە گەییشتە کابۆل، شەوی ڕابردوو چاوی بە «موحەممەد حەنیف ئەتمەر» سەرپەرشتی وەزارەتی دەرەوەی ئەفغانستان کەوت و سەبارەت بە یەکلایی کردنەوەی دەقی بەڵگەنامەی تۆکمەی ھاوکارییە ستراتژییەکانی نێوان دوو وڵات و بابەتە جێی سەرنجەکانی ھەردووک لاو ڕێگاکانی پەرە پێ دانی پەیوەندییە دوو قۆڵییەکان ڕاوێژیان کرد.
یاریدەری سیاسیی وەزیری دەرەوەی ئێران بڕیارە ئەمڕۆ لەگەڵ کۆمەڵێکی دیکە لە کاربەدەستانی ئەفغانی دیدارو وتووێژ بکات.
