ترەمپ و لێدوانی بەپێچەوانەی لە بارەی ئەنجامی ھەڵبژاردنەکانی ئەمریکا
سەرۆکی ئەمریکا ، وێڕای رەتکردنەوەی گریمانەکان لە بارەی قەبوڵکردنی دۆڕانی لە ھەڵبژاردنەکانی سەرۆکایەتی ئەمریکا ، بانگەشەی ئەوەی کرد خەنیمەکەی تەنیا لە روانگەی میدیاکانی دەنگوباسی ساختەوە سەرکەوتووە .
بە پێی راپۆرتی ھەواڵدەریی فارس ، دۆناڵد ترەمپ سەرۆکی ئەمریکا ئەمڕۆ یەکشەممە لە بروسکەیەکی توویتەری دا بانگەشەی ئەوەیکرد ، ھیچ شتێک ناسپێرێ و ھێشتا رێگایەکی دوور و درێژ لەپێشدایە ، ئەوە ھەڵبژاردنێکی گزیکارانەیە .
سەرۆکی ئەمریکا ، ئەم بروسکە توویتەریەی چەند خولەکێک دوای ئەوە بڵاوکردەوە کە لە رێگەی ئەم تۆڕە کۆمەڵایەتیەوە راگەیاندبوو بایدن بە ساختەکاری توانی لە ھەڵبژاردن دا سەرکەوێ .
لە کاتی راگێندرانی ئەنجامی ھەڵبژاردنی سەرۆکایەتی ئەمریکاوە ، زۆربەی کەناڵەکانی دەنگوباس لەوان کەناڵی فاکس نیوز کە ترەمپ پشتی دەگرێ ، بایدنیان بە پێشەنگی ھەڵبژاردنەکان راگەیاندووە .
