تالیبان : پەلاماری ئەمریکا بۆسەر ھیلمەند ، 18 کوژراوی لێکەوتەوە
کانونی یه‌که‌م 05, 2020 10:25 Asia/Tehran
تالیبان باسی کوژرانی 18 کەس دەکات لە پەلاماری ئەمریکا بۆسەر ھیلمەندی ئەفغانستان و پێشێلکرانی رێککەوتنی دەوحە لە لایەن ئەمریکاوە .
بە پێی راپۆرتی ھەواڵدەریی مێھر ، تالیبان بە بڵاوکردنەوەی بابەتێک لە سەر توویتەر باسی پەلاماری ئاسمانیی ئەمریکا بۆسەر ناوچەی نادعەلی ویلایەتی ھیلمەندی کرد .
لەم پێوەندیەدا قاری یوسف ئەحمەدی وتەبێژی تالیبان بە بڵاوکردنەوەی بەیاننامەیەک ئەمریکای تاوانبار کرد بە پێشلکردنی رێککەوتنی دەوحە .
لەم پەلامارەدا یەکێک لە ناوەندەکانی تالیبان و ھەروەھا چەندین بینای خەڵک پێکراون کە لە ئەنجام دا 18 کەس کوژراون و لانیکەم سێ کەس بریندار بوون .
