ژماری تووشبوان به کۆرۆنا لە جیھان دا 120 ملیۆن که‌سی تێپه‌ڕ‌اند
ئادار 14, 2021 15:51 Asia/Tehran
به‌پێی نوێترین ئاماری ڕ‌ێکخراوی ته‌ندروستی جیهانی تا ئێستا زیاتر له 120 ملیۆن که‌س له جیهان تووشی کۆرۆنا بوون و نزیکه‌ی 3 ملیۆن تووشبووش گیانیان له‌ده‌ستداوه.
ڕ‌ێکخراوی ته‌ندروستی جیهان له‌نوێترین ئاماری خۆیدا ڕ‌ایگه‌یاند: تا ئێستا 120 ملیۆن و 57 هه‌زار و 512 که‌س له جیهان گیرۆده‌ی په‌تای کۆرۆنا بوون و دوو ملیۆن 659 هه‌زار و 830 تووشبوو گیانیان له‌ده‌ستداوه و 96 ملیۆن و 589 هه‌زار و 234 تووشبووش چاکبوونه‌ته‌وه.
هاوکات ڕ‌ێژه‌ی تووشبوان به کۆرۆنا له ئه‌مریکا گه‌یشته 30 ملیۆن و 43 هه‌زار و 662 که‌س و 546 هه‌زار و 605 تووشبوو گیانیان له‌ده‌ستداوه و زیاتر له 20 ملیۆنیش چاکبوونه‌ته‌وه.
