ترامپ دەگەڕێتەوە تۆڕە کۆمەڵایەتیەکان
ئادار 22, 2021 13:27 Asia/Tehran
راوێژکاری باڵا و وتەبێژی ھەڵمەتەکانی ھەڵبژاردنی ترامپ باسی گەڕانەوەی سەرۆک کۆماری پێشووی ئەمریکا بۆ تۆڕە کۆمەڵایەتیەکان دەکات .
بە پێی راپۆرتی ھەواڵدەریی رادیۆ تەلەفزیۆنی ئێران ، جەیسۆن میللەرراوێژکاری باڵا و وتەبێژی ھەڵمەتەکانی ھەڵبژاردنی دۆناڵد ترامپ لە ھەڵبژاردنی سەرۆکایەتیی 2020 ، بە کەناڵی فۆکس نیوزی گوت : ترامپ تا دوو یان سێ مانگی داھاتوو بە پلاتفۆرمی خۆی دەگەڕێتەوە تۆڕەکۆمەڵایەتیەکان و بە شێوەی تەواو ، پێناسەیەکی نوێ بۆ یاریەکە دەکات .
میللەر گوتی چاوەڕوانیی ھەیە چالاکیی نوێی ترامپ دەیان میلیۆن بەرکاربەری ھەبێت .
بە دوای ھێرشی لاگرانی ترامپ بۆسەر بینای کۆنگرە بۆ ناڕەزایەتی بە ئەنجامی ھەڵبژاردنەکانی ئەمریکا ، توویتەر ئەکاونتی ترامپی داخست و رێگای نەدا بێتە نێو تۆڕە کۆمەڵایەتیەکان .
