راگێندرانی تازیەداری گشتیی لە ئەفغانستان
سەرۆک کۆماری ئەفغانستان بە دوای پەلاماری تیرۆریستیی بۆ سەر قوتابیانی فێرگەی سەیدوشوهەدا لە رۆژاوای شاری کابول رۆژی سێشەممەی ئەم حەوتەیەی وەک تازیەی گشتیی راگەیاند .
ئەشرەف غەنی گوتی : لە هەموو دامودەزگا کارگێڕیەکانی سێشەممەی ئەم حەوتەیە بۆ قوربانیانی ئەم پەلامارە ڕێوەڕەسمی فاتیحاخوێنی بەڕێوەدەچێت .
ناوبراو لەسەر چارەسەریی خێرای بریندارانی ئەم پەلامارەش جەختی کردەوە .
ئەشرەف غەنی گوتی : گروپە تیرۆریستیەکان هەندێ جار بە ناوی داعش وهەندێ جار بە ناوی تالیبان ناتوانن ئێرادەی رۆڵەکانی ئەفغانستان لە گەیشتن بە زانست و فێربوون لاواز بکەن .
بەرلەوە ، حکومەتی ئەفغانستان وێڕای شەرمەزارکردنی پەلامارە تیرۆریستیەکان لەوان پەلامار بۆسەر فێرگەیەک لە کابول ، تالیبانی بە بەرپرس زانی بەڵام ئەم تاقمە کۆنەپەرستە ئەم تاوانەی رەتکردەوە .
بەپێی دوایین ئامار ، ژماری کوژراوانی پەلاماری تیرۆریستیی بۆسەر فێرگەیەکی قوتابیانی کابول گەیشتە 80 کەس و زیاتر لە 150 کەسیش بریندار بوونە .
