مەشقی سەربازیی تورکیا و ئازەربایجان و پاکستان
حوزه‌یران 26, 2021 20:47 Asia/Tehran
میدیاکانی تورکیا بڵاویانکردەوە، هێزی تایبەتی هەر سێ وڵاتی ئازەربایجان، پاکستان و تورکیا لەپلانیاندایە راهێنانی سەربازیی هاوبەش ئەنجامبدەن.
بەگوێرەی هەواڵێکی ئاژانسی ئەنادۆڵی تورکی، ئەمڕۆ ژەنەڕاڵ زاکیر حەسانۆڤ وەزیری بەرگری ئازەربایجان رایگەیاندوە، هێزی تایبەتی هەر سێ وڵاتی ئازەربایجان، پاکستان و تورکیا لەپلانیاندایە راهێنانی سەربازیی هاوبەش ئەنجامبدەن.
وەزیری بەرگری ئازەربایجان ئاشکراشیکردوە، لەمانگی سێپتێمبەر ئەو نمایش و راهێنانە سەربازییە ئەنجامدەدەن، بەڵام تائێستا شوێنەکەی دەستنیشان نەکراوە.
لەبارەی شوێنی ئەنجامدانی راهێنانی سەربازیی هاوبەش، وەزیری بەرگری ئازەربایجان تیمێکی پسپۆڕی هاوبەش لەهەردو وڵاتە گەیشتونەتە ئازەربایجان بەمەبەستی دەستنیشانکردنی شوێنەکەی.
