«ئەشرەف غەنی» ئەفغانستانی بەجێ ھێڵا
ئاب 15, 2021 21:14 Asia/Tehran
«ئەشرەف غەنی» سەرۆک کۆماری ئەفغانستان لە وڵات چووە دەرەوە.
کەناڵی تەلەفزیۆنیی تولوع نیوزی ئەفغانستان ڕایگەیاند: «ئەشرەف غەنی» لەگەڵ چەند ئەندامێکی کابینەکەی ئەفغانستانی بەجێ ھێڵاو گەییشتە تاجیکستان.
ھەر لەم کاتەدا ڕۆژنامەی «ئایشا پلاس»ی تاجیکستان وێڕای پشتڕاست کردنەوەی گەییشتنی «ئەشرەف غەنی» و «حەمدوڵڵا موحیب» ڕاوێژکاری ئاسایشتی نیشتیمانی و «مەحمود فەزڵی» سەرۆکی ئیدارەی کاروباری سەرۆک کۆمارەتیی ئەفغانستان بە دووشەنبەی پێتەختی تاجیکستان، نووسی: غەنی و ھاوڕێکانی ئەم وڵاتەشیان بە مەبەستی وڵاتێکی تر بەجێ ھێڵاوە.
کاربەدەستانی دەوڵەتی کابۆل لەم پەیوەندییەدا بێ دەنگەیان لێکردووە، بەڵام «عەبدوڵڵا عەبدوڵڵا» سەرۆکی ئەنجومەنی باڵای ڕێککەوتنی نیشتبمانیی ئەفغانستان لە توییتێکدا چوونە دەرەوەی غەنی لە ئەفغانستانی پشتڕاست کردەوە.
