ئامادە کرانی جل و بەرگی یەکدەست بۆ تاقمی تالیبان لە ئەفغانستان
ئاب 30, 2021 14:15 Asia/Tehran
کاربەدەستانی تالیبان لە ئەفغانستان باسی ئامادە کردنی یۆنیفۆرمی یەکدەست و یەک شێوەیان کردووە بە مەبەستی دامەزراندنی ڕێکمەندیی باشتر لە نێو ھێزەکانیاندا.
بە پێی ڕاپۆرتی ھەواڵدەریی دەنگی ئەفغان، کاربەدەستانی تالیبان ڕایانگەیاند: بۆ پێشگرتن بە کەڵکاژۆیی ھێندێک کەس لە مەڕ ئازاردانی خەڵک بە ناوو جل و بەرگی تالیبانەوە، بۆ ھێزەکانیان جل و بەرگی یەکدەست و یەک شێوە ئامادە دەکەن.
«مەولەوی موحەممەدی» لە ئەندامانی ئاسایشتیی تالیبان وتی: بۆ ئەوەی کە خەڵک بتوانن کەسانی ئاسایی و ھێزەکانی تالیبان لێک جیا کەنەوە، ھەوڵ دەدەین بۆ ھێزەکانی تەواوی لقەکان جل و بەرگێکی ڕێک و پێک و دیاری ئامادە بکەن.
لە تەواوی وڵاتاندا ھێزەکانی ئاسایشت جل و بەرگ و ھێمای تایبەتیی خۆیانیان ھەیەو کاناسان نەبوونی ھێماو جلێکی تایبەتی بە ھۆکاری کەڵکاژۆیی دەزانن.
