خۆفڕەکانی پاکستان لە شەڕی پەنجشیردان
ئه‌یلوول 06, 2021 12:21 Asia/Tehran
ھەواڵ دەڵێن پاکستان بە ناردنی خۆفڕ ( درۆن) و ھێزی تایبەت لە شەڕی دۆڵی پەنجشیرەوە گلاوە .
ھەواڵدەریی سپۆتنیکی روسیا رایگەیاند ، خۆفڕەکانی پاکستان لە پەلاماری سەر دۆڵی پەنجشیردا بەشدارن.
سەرچاوەکانی بەرخۆدانی پارێزگەی پەنجشیریش رایانگەیاند ھێزە تایبەتیەکانی پاکستان لەو شەڕەدا ھەن .
سپۆتنیک دەڵێ ھێزە تایبەتیەکانی پاکستان ھێرشیان کردووەتە سەر دۆڵی پەنجشیر و لە لایەکی دیکەشەوە ژەنەڕاڵ فەیز حەمید سەرۆکی ھەواڵگریی پاکستان ( ئای ئێس ئای ) لە کابولە .
بە پێی ھەواڵەکان فەھیم دەشتی وتەبێژی بەرەی خۆڕاگریی ئەفغانستانیش لە شەڕ پەنجشیردا کوژراوە.
