داخوازیی ئافرەتانی ھەراتی ئەفغانستان بۆ گەڕانەوە بۆ سەر کارەکانیان
ئه‌یلوول 21, 2021 12:12 Asia/Tehran
کۆمەڵێکی زۆر لە ئافرەتانی ئەفغانستان بەردەوام بوون لە سەر کارەکانیان بە مافی ڕەوای خۆیان زانی.
بە پێی ڕاپۆرتی ھەواڵدەریی دەنگی ئەفغان، کۆمەڵێکی زۆر لە ئافرەتان کە لە ویلایەتی ھەرات لە پۆستی جۆربەجۆری دەوڵەتی کاریان دەکردو لەم ڕێگایەوە داھاتی گوزەرانیان دەست دەکەوت و زۆریکیشیان سەرپەرشتی بنەماڵەکانیان بوون، سکاڵایان لە دەست ڕەوشتی نالەباری ئابووری ھەیەو بەردەوامیی کارو چالاکی بە مافی ڕەوای خۆیان دەزانن.
تالیبان لە ١٥ی ئوتەوە کە لە ئەفغانستاندا دەستەڵاتی گرتووەتە دەست، ھەوڵ دەدات خەڵکی ئەم وڵاتەو کۆمەڵگای نێونەتەوەیی لە بارەی ڕەچاوکردنی مافی ئافرەتان دڵنیا کاتەوە، کەچی ھەتا ئێستا ئەو بەڵێنانەی نەچووەتە واری جێبەجێ کردنەوە.
