نرخى نه‌وت گه‌یشته سه‌رووی 76 دۆلار
کانونی یه‌که‌م 13, 2021 16:01 Asia/Tehran
نرخى نه‌وت له بازاڕه‌کانى جیهان به‌رده‌وامه له به‌زربوونه‌وه و به‌رمیلێک نه‌وتى برێنت بۆ سه‌روو 76 دۆلار به‌زربووه‌وه.
ئەمڕۆ ڕوژی یەکەمی مامەڵەی ئەم هەفتەیەی بازاڕه جیهانییەکانە، نرخى نه‌وت به‌رزبوونه‌وه‌یه‌کى نوێی تۆمارکرد و به‌یانى ئه‌مرۆ دووشه‌ممه نرخى هه‌ر به‌رمیلێک نه‌وتى برێنت به 76.08 دۆلار مامه‌ڵه‌ى پێوه‌کرا.
هاوکات نرخى به‌رمیلێک نه‌وتى خۆرئاواى ئه‌مریکاش بۆ 73.83 دۆلار به‌رزبووه‌وه.
ئاژانسی ڕۆیته‌رز هۆکاری بەرزبوونەوەی نرخی نەوتی بۆ که‌مبوونه‌وه‌ى مه‌ترسییه‌کان لەبارەی کاریگەرییەکانی گۆڕاوى ئۆمیکرۆن گەڕاندەوە.
