دەوڵەتی تالیبان : دەوڵەتی بایدن " دزی " پارەکانی ئەفغانستانە
دەوڵەتی تالیبان لە ئەفغانستان بڕیاری سەرۆک کۆماری ئەمریکای لە مەڕ قەرەبووکردنەوەی قوربانیانی یازدەی سێپتامبر بە پارە دەست بەسەرداگیراوەکانی ئەفغانستانی بە دزی زانی .
موحەمەد نەعیم وتەبێژی دەوڵەتی تالیبان وتی: بڕیاری جۆ بایدن سەرۆک کۆماری ئەمریکا سەبارەت بە چارە نووسی داراییە دەس بەسەرداگیراوەکانی بانکەکانی ئەفغانستان ، دزینی پارەی خەڵکی ئەفغانستان و نیشاندەری لاوازیی ئەخلاقیی دەوڵەتی ئەمریکایە .
جوبایدن سەرۆک کوماری ئەمریکا ڕۆژی هەینی ڕایگەیاند نیوەیەک لە داراییە دەس بەسەرداگیراوەکانی بانکی ناوەندیی ئەفغانستان لە دامەزراوە داراییەکانی ئەمریکا دەداتەوە بە بنەماڵەی قوربانیانی یازدەی سێپتامبر .
سەرچاوە داراییەکانی ئەفغانستان کە لە ئەمریکا ڕاگیراون حەوت ملیار دۆڵارە کە دوای ڕووخانی دەوڵەتی ئەشرەف غەنی سەرۆک کوماری ئەفغانستان لە مانگی ئاب لە لایەن واشنگتونەوە دەستی بەسەردا گیرا .
.
