لە پێنجەمین ڕۆژی پەلاماری ڕوسیا بۆ سەر ئوکراین مێدیا ئوکراینیەکان ڕاپۆڕتیاندا هێزەکانی ڕووسی کونتڕوڵی شاری نوڤا کاخوفکایان گرتە دەس .

نوڤا کاخوفکا ، شارێکی بچووکە بەڵام لە باری ستراتژیک لەسەر رووباری دنیپێر هەڵکەوتووە کە راستەوخۆ لە رێگەی کاناڵەکانی ئاو پێوەندی لە گەڵ دورگەی کریما هەیە و کۆنتڕۆڵکرانی لە لایەن روسەکانەوە لە شەڕی ئوکراین ، هەڵکەوتی ئەوان بەهێز دەکات .

 ڤلادیمیر کوڤالنکۆ سەرۆکی شارەوانیی ئەم شارەش گوتی هێزە روسەکان هاتوونە نێو بینا ئیداریەکان و ئاڵای ئوکرانیان لە بیناکان داگرتووە .

هاوکات ، دەنگوباس باسی خۆڕاگریی توند و تۆڵی هێزە ئوکراینیەکان دەکەن و هەندێ سەرچاوەش دەڤڵن هێزە روسیەکان زەبری قورسیان بەرکەوتووە .