ئامادەیی وەزیری دەرەوەی ئوکراین بۆ دانوستان لە گەڵ روسیا
ئادار 13, 2022 20:57 Asia/Tehran
وەزیری دەرەوەی ئوکراین ، ئامادەیی کیەفی بۆ دانوستان لە بارەی کۆتایی شەڕ لە گەڵ روسیا راگەیاند .
بە پێی راپۆرتی رۆیتێرز ، دیمیترۆ کولبا وەزیری دەرەوەی ئوکراین رۆژی شەممە لە وتارێکی ئۆنلاین دا گوتی : ئەگەر ئوکراین فڕۆکەی جەنگیی و ھێرشبەری بۆ تێکشکاندنی ستوونە گەورەکانی ئەرتەش ھەبوایە ، کەسانی مەدەنی لە مردن رزگار دەبوون .
کولبا بە ئاماژە بەوەی کە روسیا داوای قەبوڵ نەکراوی خستوونەڕوو گوتی : ئامادەی دانوستانین بەڵام دوادەرفەتەکان قەبوڵ ناکەین و تەسلیم نابین .
وەزیری دەرەوەی ئوکراین ھەروەھا لە بارەی شاری ماریۆ پۆل لە باشووری ئوکراین گوتی : ئەم شارە گەمارۆ دراوە بەڵام ھەروا لە دەستی ئوکرایندایە .
