SAHAR

لانیکەم سێ نوێژگەری ئەفغانی لە ئەنجامی تەقینەوەی بۆمبایەک لە مزگەوتێکی کابۆلی پێتەختی ئەفغانستان بریندار بوون.

بە پێی ڕاپۆرتی ھەواڵدەریی فارس، «خالید خدران» وتەبێژی سەرکردایەتیی ئاسایشتیی دەوڵەتی تالیبان لە کابۆل وتی: ئەم بۆمبایە لە مزگەوتێکدا لە ناوچەی پێنجەمی شاری کابۆل تەقیوەتەوە کە بووەتە ھۆی برینداربوونی لانیکەم سێ کەس.

ھەتا ئێستا ھیچ کەس و یان تاقمێک بەرپرسایەتیی ئەم ھێرشە تیرۆریستییەی بە ئەستۆ نەگرتووە.

ئەفغانستان لە ماوەی یەک مانگی ڕابردوو تەقینەوەو ھێرشی تیرۆریستیی جۆربەجۆری لە ناوچە جۆربەجۆرەکانی ئەم وڵاتە لەوانە کابۆل، مزگەوتەکانی مەزار شەریف و قەندوز بە خۆیەوە بینیوە کە لە ئەنجام دا سەدان کەس کوژراون و یان بریندار بوونە.

داعش بەرپرسایەتیی زۆربەی ئەم تەقینەوانەی بە ئەستۆ گرتووە.