کۆبوونەوەی لوتکەی یەکێتی ئەفریقا کە لەلایەن گینی ئیستوایی میوانداری کرابوو، بەهۆی ناکۆکیی ئامادەبووان، بێ ئەنجام و ئاکامێک کۆتایی هات.

بەپێی ڕاپۆرتی ئەلعەرەبی ئەلجەدید، جڤینی لوتکەی یەکێتی ئەفریقا کە  دوو ڕۆژی خایاند ، لە شاری مالابا پایتەختی گینەی ئیستوایی بەڕێوەچوو .

بەپێی راپۆرتەکە، لەم کۆبوونەوەیەدا بەرپرسانی وڵاتانی ئەندامی یەکێتیی ئەفریقا کۆبوونەوە و تاوتوێی کێشە و قەیرانە گرنگەکانی ئەم کیشوەرەیان کردووە.

ڕۆژی یەکەم بۆ کۆبوونەوەی قەیرانی خۆراک لە ئەفریقا تەرخانکرا، ڕۆژی دووەمیش بۆ تیرۆر و کودەتای سەربازی لە هەندێک وڵاتی کیشوەرەکە تەرخانکرابوو.

بەڵام کۆبوونەوەکە بەبێ راگەیەنراوی کۆتایی و رێوشوێنی چارەسەرکردنی کێشەکان کۆتایی پێهات.