درێژەی گوشارەکانی ئەمریکا بۆ سەر ڕووسیا؛ ٢٢ کەس و دوو پێکھاتەی ڕووسی بایکۆت کران
ئه‌یلوول 16, 2022 07:35 Asia/Tehran
وەزارەتی خەزێنەی ئەمریکا ڕۆژی پێنجشەممە بە کاتی خۆجێیی بایکۆتی نوێی بەسەر کۆمەڵێک کەس و پێکھاتەی ڕووسی دا سەپاند.
بە پێی ڕاپۆرتی ئیرنا؛ خەزێنەی ئەمریکا ڕایگەیاند، بایکۆتە نوێیەکان ٢٢ کەس و دوو پێکھاتە کە ڕۆڵیان لە شەڕی ئۆکرانیادا ھەبووە دەگرێتەوە.
بەپێی ئامارەکانی وەزارەتی خەزێنەی ئەمریکا، ئەم بایکۆتانە بەرتەسک کردنەوەی نوێی هەناردەکردن بەسەر ڕووسیادا دەسەپێنن و پیشەسازیی بەرگری و تەکنەلۆژیای پێشکەوتوی ڕووسیا دەکەنە ئامانج.
لە سەرەتای هێرشی ڕووسیا بۆ سەر ئۆکرانیا، ئەمریکا و هاوپەیمانەکانی لەوان بریتانیا، سزا و گوشارەکانیان بۆ سەر ڕووسیا پەرە پێ داوەو لەبەرامبەردا ڕووسیاش زۆرێک لە بەرپرسانی ئەو وڵاتانەی بایکۆت کردووە.
